بایومیډیکل ټکنیشن

د دندې لنډیز :

د بایومیډیکل ټکنیشن دنده دا ده چې د جدي پاملرنې (ICU) په څانګه کې د طبي تجهیزاتو د نصب، حفظ او مراقبت، ترمیم او مؤثرې استفادې مسؤلیت پر غاړه واخلي. نوموړی به د ICU د مسؤل او د ادارې سره په همغږۍ د تجهیزاتو د فعال ساتلو، دوامدار نظارت او تخنیکي ملاتړ سیستم رامنځته کوي، تر څو د ICU معیاري خدمات په مؤثره توګه وړاندې شي، خو یاد مسؤلیتونه یوازې په همدې نه محدودېږي.

دندې او مسؤلیتونه:

1.     د ICU ټول طبي وسایل او تجهیزات تنظیم، ساتنه، حفظ او مراقبت کول.

2.     د طبي تجهیزاتو د حفظ او مراقبت لپاره معیاري طرزالعملونه او کړنلارې ترتیب او تطبیق کول.

3.     د ټولو طبي تجهیزاتو د نصب، منتاژ او تخنیکي تنظیم مسؤلیت اخیستل (د تجهیزاتو تخنیکي ځانګړتیاوې، مناسب ځای، تودوخه او د کیبلونو منظم تنظیم په پام کې نیول).

4.     د ICU تجهیزاتو دوامداره نظارت او مانېټرینګ، تر څو د هغوی مؤثره استفاده یقیني شي، او د وضعیت راپور اړوند ادارې ته وړاندې کول.

5.     د ICU تجهیزاتو د ترمیم مسؤلیت او د ترمیم، حفظ او مراقبت لپاره تخنیکي رهنمودونه جوړول.

6.     د ICU دننه د تجهیزاتو ترمیم ترسره کول، او که اړتیا وي د اصولو مطابق له ICU څخه بهر د ترمیم زمینه برابرول.

7.     د ټولو طبي تجهیزاتو د لیست او مشخصاتو ترتیب (د تجهیزاتو تاریخچه، د نصب نېټه، شرکت، تخنیکي مشخصات او غیر فعال تجهیزات).

8.     د طبي تجهیزاتو د پرزو او لوازمو لیست ترتیب او د اړتیا پر مهال له مرکزي دفتر سره شریکول.

9.     د هر ماشین د ملزوماتو او تخنیکي مشخصاتو ثبت، او د ترمیم، سرویس او تبدیلۍ لپاره پلان ترتیب او عملي کول.

10. د طبي وسایلو د مؤثریت ساتنه او د خرابۍ او غیر فعالېدو څخه مخنیوی، د نصب کیفیت، د فضا پراخوالی، مناسبې تودوخې، برېښنا او نورو اړینو شرایطو په پام کې نیولو سره.

11. د میاشتني، ربعوار او کلني کاري پلان ترتیب د عمومي پلان سره سم، تر څو ټاکل شوي اهداف ترلاسه شي.

12. د فعالیتونو او لاسته راوړنو میاشتني، ربعوار، کلني او اړتیا پر مهال راپورونه ترتیب او ادارې ته وړاندې کول.

13. د طبي تجهیزاتو د سیستم د ښه‌والي او پراختیا لپاره اغېزمن وړاندیزونه وړاندې کول.

14. د میاشتني تخنیکي راپور ترتیب او د ادارې مسؤلینو ته سپارل.

15. د مستقیم آمر لخوا سپارل شوې نورې اړوندې دندې ترسره کول.

بایومیډیکل ټکنیشن د جدي پاملرنې (ICU) څانګې مسؤل ته راپور ورکوي

د شاملېدو لازمي معیارونه او وړتیاوې:

1.        د افغانستان تابعیت ولري.

2.     د بایومیډیکل، الکترونیک، یا اړوند تخنیکي برخو کې د فوق بکلوریا یا لیسانس سند ولري.

3.     لږ تر لږه یو (۱) کال اړوند کاري تجربه ولري.

4.     د رسمي مکاتیبو د لیکلو مهارت او د Microsoft Office پروګرامونو (Word، Excel، PowerPoint) سره کاري وړتیا ولري.

5.     د قوي افهام او تفهیم او اړیکو مهارت ولري.

6.     د هېواد په یوه رسمي ژبه (پښتو یا دري) تسلط او په انګلیسي ژبه بلدتیا ولري.

د ثبت نام طریقه:

درنو کاندیدانو کولای شي خپل (CV) په لاندې برېښنالیک پته ولېږي، او یا هم د خپل (CV) هارډ کاپي د عامې روغتیا وزارت د کارکوونکو چارو ریاست د اعلانونو او کاري موندنې عمومي مدیریت ته وسپاري.